بنیادگەرى پێکهاتەیی لویسان گۆڵدمان لە ڕۆمانى داگیرکردنى تاریکى بەختیار عەلیدا
DOI:
https://doi.org/10.31918/twejer.2361.10چکیده
کۆمەڵناسیى ئەدەب و بە هەموو ئاڕاستە جیاوازەکانییەوە ڕووبەرێکى گرنگى ناو کایەى تیۆرى و ڕەخنەیی گرتووە، بە جۆرێک بەردەوام لەناو کایەى ڕەخنەدا ئامادەیی هەیە. بنیادگەریى پێکهاتەیی لوسیان گۆڵدمان وەک کۆمەڵناسیی ڕۆمان داهێنانى ئەدەبی لە چوارچێوەى کۆمەڵێک چەمکدا دەبەستێتەوە بە بنیادى کۆمەڵایەتى و بنیادى زمانیی دەق. لای لوسیان گۆڵدمان، کارى ئەدەبی بەرهەمێکى تاکەکەسی نییە، بەڵکوو هۆشیاریى چینە کۆمەڵایەتییەکانە. ئەو توێژینەوەیە بە ناونیشانى بنیادگەریى پێکهاتەیی لوسیان گۆڵدمان لە ڕۆمانى (داگیرکردنى تاریکى)ى (بەختیار عەلی)دا بەپێى ئەو ڕوانگە تیۆرییەى لوسیان کارە ئەدەبییەکان گوزارشت لە تاک ناکەن، بەڵکوو گوزارشت لە هۆشیاریى چینایەتیى گروپ و کۆمەڵگا جیاوازەکان دەکەن، ناوەڕۆکى ڕۆمانەکە وەک دەقێکى ئەدەبی بەپێى ئەو تێگەیشتنە تیۆرییە لە پەیوەندیدایە، جیهانبینیى نووسەریش لە چوارچێوەی ئەو پەیوەندییەدا ڕاڤەدەکرێت.
