السُّلَّم الحِجاجي في كتاب "التاج في أخلاق الملوك" للجاحظ مقاربة تداولية

چکیده

ئەم توێژینەوەیە، تاوتوێی چەمکی پایەی بەڵگاندنی لە ئاخاوتنی قسەکەردا، لە کتێبی " التاج في أخلاق الملوك "ی ڕەخنەگر و ڕەوانبێژی عەرەبی " الجاحظ " دا دەکات، کە بۆ مەبەستی ڕازیکردنی وەرگر بە ناوەڕۆک و بابەتی ئاخاوتنەکە، پەیڕەوی ئەکات.

ئەمە لە لایەک، لە لایەکی ترەوە لەم لێکۆڵینەوەیەدا، توێژەر هەوڵیداوە کەوا هێز و کاریگەریی ئەم شێوازە گفتوگۆییەی جاحز لە کتێبە ناوبراوەکەیدا بخاتەڕوو؛ جا چ ئاخاوتنەکان لە سەر زاری خۆی بن، یاخود لە سەر زاری بێجگە لە خۆی، لە پرۆسەی ڕازیکردن و قایلکردنی وەرگر بە ناوەڕۆکی ئاخاوتنە خراوەڕووەکە.

 بۆ ئەم مەبەستەش، توێژەر ژمارەیەک نموونەی ئاخاوتەیی، بۆ شیکردنەوە وەرگرتووە، کە لە چەمکی پایە یاخود پایەکانی بەڵگاندنی و یاساکانی و، باوترین شێوازە زمانەوانییەکانی، لەوانە: ئامرازەکانی پەیوەندی و فاکتەرە گفتوگۆکارییەکانەوە، دەستپێدەکات، تا دەگاتە ئاستەکانی تەئکید کردنەوە و شێوازە زیدەڕۆکارییەکان.

لە کۆتاییشدا، گرینگترین ئەو دەرەنجامانەی کەوا توێژینەوەکە پێیان گەیشتووە، خراونەتەڕوو.