پێدڤیاتییێن ڕاهێنانێ یێن فەر بۆ مامۆستایێن بابەتێ زمانێ كوردی ل قۆناغا فێركرنا ئامادەیی ب دیتنا ئەوان ب خۆ
DOI ناسێنەری سەرچاوە دیجیتاڵییەکان:
https://doi.org/10.31918/twejer.2583.19کلیلە وشەکان:
ڕاهێنان، پێدڤیاتییێن ڕاهێنانێ، مامۆستاپوختە
مەرەم ژ ئەنجامدانا ئەڤێ ڤەكۆلینێ دیاركرنا پێدڤیاتییێن ڕاهێنانێ یێن فەر بۆ مامۆستایێن بابەتێ زمانێ كوردی ل قۆناغا فێركرنا ئامادەیی ب دیتنا ئەوان ب خۆ. پرۆگرامێ وەسفیگەری هاتییە بكارهینان د ئەڤێ ڤەكۆلینێدا، ژبەركو یێ گۆنجایە ل گەل بابەت و ئارمانجێن ئەڤێ ڤەكۆلینێ، و ژبۆ بدەستڤەهینانا ئارمانجان ڤەكۆلەرێ ل دەستپێكێ فۆرمەك بەرهەڤكر، و پشتی خۆ پشت ڕاستكرنێ ژ ڕاستی و جیگیربوونا ئامرازێ ڤەكۆلینێ، ل سەر سامپلا ڤەكۆلینێ هاتە جێبەجێكرن، ئەوا كو ژ (68) مامۆستایین بابەتێ زمانێ كوردی پێكدهات، ئەوێن كو ل قوتابخانەیێن ئامادەیی یێن حكومی یێن سەر ب ڕێڤەبەرییا گشتی یا پەروەردەیا ئیدارەیا سەربەخۆیا زاخۆڤە.
پشتی جێبەجێكرنا ئامرازێ ڤەكۆلینێ و شرۆڤەكرنا داتایان، ئەنجامێن ڤەكۆلینێ دیاركر كو دیتنێن مامۆستایێن سامپلا ڤەكۆلینێ بۆ پێدڤیاتییێن ڕاهێنانێ ژ بۆ هەمی برگەیان د ئاستەكێ بلندانە، و بڕگە(3) ژ ناڤا هەمی بڕگەیان بلندترێن ناڤەندێ ژمیری هەبوو(4.02) و بلندترین كێشەیا سەدی(80.58) كو دهێتە هژمارتن گەلەگ پێدڤیاتی پێ هەیە. هەر هوسان تاقیكرنا تائی(t. test) بۆ دوو سامپلێن سەربەخۆ هاتە بكارهینان ژبۆ دەرخستنا جیاوازیێن ئاماری بۆ گۆراوێن ڤەكۆلینێ(ڕەگەز، میلاك و گرێبەست، سالێن خزمەتێ)، بۆ هەردوو گۆراوین (میلاك و گرێبەست، سالێن خزمەتێ) چ جیاوازیێن ئاماری نەبوون، بەلێ بۆ گوراوێ ڕەگەزی جیاوازیین ئاماری د ئاستێ ڕامانداریا(0.05) و پلەیا ئازادیی(66)دا هەبو؛ چونكێ بەهایێ تائی یێ هەژماركری مەزنتربوو ژ بەهایی تائی یێ خشتەییو دبەرژەوەندیا ڕەگەزێ نێردا . ل ژێر سیبەرا ئەنجامێن ڤەكۆلینێ ڤەكۆلەرێ چەندین ڕاسپاردە و پیشنیاردارێژتن.
