پاتکردنەوەی لێکسیکی لە نێوان دەقی زانستی و ئەدەبیی زمانی کوردیدا
پوختە
پاتکردنەوەی لێکسیکی لە نێوان دەقی زانستی و ئەدەبیی زمانی کوردیدا
دیاردەی پاتکردنەوە لە گشت ئاستەکانی زماندا بەدیدەکرێ لە هەردوو شێوەی نووسین و ئاخاوتندا، بۆیە لەم توێژینەوەیەدا ئەم دیاردەیە لە زمانی کوردیدا خراوەتەڕوو، لەگەڵ دەستنیشانکردنی ئەو شێوازانەی کە پاتکردنەوەکە بەرهەمدەهێنن. توێژینەوەکە لە چوارچێوەی بۆچوونی هۆی (Hoey) لە پاتکردنەوە دەکۆڵێتەوە، دواتر لە زمانی کوردیدا بەکاردەهێنرێ.
لە توێژینەوەکەدا بە مەبەستى شیکارى و دیاریکردنى نموونەکان، بۆئەوەى ڕووماڵى شێوازە جیاوازەکان بکرێ بە پەسەند زانرا دوو شێواز هەڵبژێردرێن، ئەوانیش شێوازى زانستى و شێوازى ئەدەبین، دوای ئەوەی جۆری پاتکردنەوەکانی هەریەک لە دەقەکان لە خشتەیەکدا خراوەتەڕوو دواتر جۆر و ڕێژەی پاتکردنەوەکانی نێوان دەقەکان بە یەکتری بەراوردکراون.
ناوەرۆکی توێژینەوەکە لە پێشەکی و دوو بەش پێکهاتووە. کە بەشی یەکەم تیۆرییە و بەشی دووەمیش پڕاکتیکییە. بەم شێوەیە: لە بەشی یەکەمی توێژینەوەکەدا چەمک و زاراوەی پاتکردنەوە لەگەڵ ئەو زاراوانەی کە لێیەوە نزیکن ڕوونکراونەتەوە لەگەڵ ناساندنی دیاردەکە، دواتر بۆچوونی هۆی خراوەتەڕوو لەگەڵ نیشاندانی جۆری پاتکردنەوەکان. بەشی دووەمیش لایەنی ئاماریی توێژینەوەکەیە، تیایدا ئاماری دوو دەق لە بوارەکانی (زانستی و ئەدەبی) وەرگیراوە و بەیەکتری بەراوردکراون لە ڕێگەیەوە چەند ئەنجامێک بەدەستهاتووە، کە لە کۆتاییدا لەگەڵ لیستی سەرچاوەکان پێشکەشکراون.
کلیلە وشەکان: پاتکردنەوە، پاتکردنەوەی لێکسیکی، ناوەندی ون، هاوئاماژە، پەیوەندیی سێگۆشەیی، هایپۆنیم، هاوهایپۆنیم و سەرخان.
Lexical Repetition in Kurdish language
This research entitled “Lexical Repetition between literal and science texts in Kurdish language”, which is related to the linguistic branch Semantics, deals with the phenomenon of the repetition from the whole levels of language such as writing and speaking. Such phenomenon has been displayed through the thesis which comprises the introduction and two sections. The thesis aims to deal with the Repetition according to the framework of (Hoey’s), and incorporate it into Kurdish language.
Since the sample have been chosen randomly in order to manifest the different styles, the researcher decided to select two distinct styles, they are scientific style and literary style. After the type of Repetition of each text was shown in a chart (table) and compared with each other, the thesis came to a comprehensive conclusion.
کلیلە وشەکان: Repetition, lexical repetition, missing center, co-reference, triangular conjunction, hyponym, co-hyponym and superposition.