ناجێگیریی سیاسەتی ئەمریکا بەرانبەر ڕۆژئاوای کوردستان
DOI ناسێنەری سەرچاوە دیجیتاڵییەکان:
https://doi.org/10.31918/twejer.2141.11کلیلە وشەکان:
ئەمریكا، ڕۆژئاوای كوردستان، تڕەمپ، ئۆباماپوختە
ئەم توێژینەوەیە بە شێوەیەكی ورد باس لە سیاسەتی ئەمریكا بەرانبەر ڕۆژئاوای كوردستان دەكات. بە تایبەتی ھۆكارە سەرەكییەكانی دروستبوونی پەیوەندیی سەربازیی نێوان كوردەكان و ئەمریكا دەستنیشاندەكات. توێژینەوەكە بە پشتبەستن بە تیوری ڕیالیزمی كلاسیکیی نوێ مەبەستیەتی ھۆكارەكانی ناجێگیری و ناسەقامگیریی سیاسەتی ئەمریكا بەرانبەر ڕۆژئاوای كوردستان دیاریبكات و بە خستنەڕووی ئەرگیۆمێنتی زانستی، ئەوە ڕوونبكاتەوە، كە بۆچی تڕەمپ ڕێگەیدا توركیا ھێرش بكاتە سەر ڕۆژئاوای كوردستان.
سەرەتای دروستبوونی پەیوەندیی نێوان ڕۆژئاوای كوردستان و ئەمریكا دەگەڕێتەوە بۆ ساڵی ٢٠١٤. بە تایبەتی دوای ئەوەی داعش توانی بەشێكی زۆری خاكی عێراق و سووریا داگیر بكات، ئەمریكا بۆ پاراستنی بەرژەوەندییەكانی، پەنای بۆ هێزە کوردییەکان برد، وەك ھاوبەشێكی سەرەكی لە شەڕی دژی داعش. لێرەدا پاڵپشتیی ئەمریكا لە ڕۆژئاوای كوردستان زیاتر لە ڕووی سەبازییەوە چڕ بووە نەك سیاسی. ھەر بۆیەش سیاسەتی ئەمریكا بەرانبەر كوردەكان سیاسەتێكی ناسەقامگیر و نا جێگیرە. بەو مانایەی كە پەیوەندیی
