ناسیۆنالیزمی نەیجیریا و گەندەڵی دامەزراوەیی لە مێژووەکانی وۆلێ سۆینکا لە خاکی بەختەوەرترین خەڵکی سەر زەوی
DOI:
https://doi.org/10.31918/twejer.2473.48کلمات کلیدی:
گەندەڵی دامەزراوەیی، دووڕوویی سیاسی، کۆلۆنیالیزمی نوێ، کۆلۆنیالیزم، نەتەوە، ناسیۆنالیزمچکیده
ئەم بابەتە بەدواداچوون بۆ شایەتحاڵی ئەدەبی حکومەتی ناسیۆنالیستی نەیجیریا دەکات وەک دامەزراوەیەکی گەندەڵ و حکومەتێکی شکستخواردوو لە کتێبی (Chronicles from the Land of the happiest people on Earth)ی Wole Soyinka’s (2021). وۆلێ سۆینکا وەک ڕۆماننووسێکی بوێری نەیجیریا ڕەخنە لە سەرکردە سیاسییەکانی نەیجیریا دەگرێت بەهۆی گەندەڵی دامەزراوەیی و خراپ بەکارهێنانی پۆست و سەرچاوە گشتییەکان. بابەتەکە تیشک دەخاتە سەر سیستەمی نیوکۆلۆنیالیزمی بەردەوام لە نەیجیریا، کە حکومەتە ناسیۆنالیستەکان سیاسەت و سەرچاوە و هەڵبژاردنەکان بۆ قازانجی کەسی دەقۆزنەوە. ئەمەش بووەتە هۆی گەندەڵی و حوکمڕانی ناکارامە، کە لایەنگری سیاسی لەسەر حیسابی هاووڵاتیان بەردەوام دەکات. ئەمەش گەندەڵی ئەفریقا نیشان دەدات کە بەهۆی شکستی دامەزراوەیی سەرکردایەتی دوای سەربەخۆییەوە دروست بووە، کە میراتەکانی کۆلۆنیالیزم بە شێوەیەکی نیوکۆلۆنیالیزم بەکاردەهێنێت. ئەمەش بووەتە هۆی نائومێدی لە نێوان کارەکتەرە ئەدەبییەکان و بەدواداچوون بۆ دووبارە کۆلۆنیالیزم وەک بەدیلێک بۆ حکومەتە ناکارامە ناسیۆنالیستەکان. ئەم بابەتە باس لەوە دەکات کە سەرکردایەتییەکانی کۆلۆنیالیزم و دوای کۆلۆنیالیزم لە حوکمڕانی و کۆنترۆڵکردن و سیاسەتدا تاکتیکی گەندەڵ پیشان دەدەن و لە ئەنجامدا لایەنگری و خراپ بەکارهێنانی دەسەڵاتیان لێدەکەوێتەوە، لە کاتێکدا هاووڵاتییان چەوساوە و پشتگوێ دەخرێن.
