ڕاگواستن وخێڵ لە کوردستانی باشوور؛ توێژینەوەیەکی کۆمەڵایەتییە لەبارەی کاریگەرییەکانی ڕاگواستن لەسەر پێكهاتەی خێڵایەتی
DOI ناسێنەری سەرچاوە دیجیتاڵییەکان:
https://doi.org/10.31918/twejer.2582.16کلیلە وشەکان:
ڕاگواستن, خێڵ, گۆڕانی کۆمەڵایەتی, گۆڕانی کولتووری, مۆدێرنیزاسیۆنپوختە
راگواستنی زۆرەملێ پەیوەندی بە گۆڕان لە پێکهاتەی کۆمەڵایەتی خێڵ ڕۆڵێکی گرینگی هەبووە لە دووبارە داڕشتنەوەی پێکهاتە کۆمەڵایەتی خێڵ لە باشووری کوردستان. ئەم توێژینەوەیە بەدواداچوون بۆ ئەنجامە درێژخایەنەکانی گۆڕانکارییەکانی خێلی کوردی دەکات لە دوای راگواستنی گوندنشینان لە کاتێکدا کە راگواستنی زۆرەملێ لە سەرەتادا ئامانجی چەسپاندنی کۆنترۆڵی دەوڵەت و سەرکوتکردنی ناسنامەی کورد بوو، بەڵام بەبێ ئاگاداری گۆڕانکارییەکی بەرچاوی کۆمەڵایەتی و ئابووریی لێکەوتەوە. ئامانجی سەرەکی توێژینەوەکە، دەرخستن و شێکردنەوەی کاریگەرییەکانی راگواستنی خەڵکی کوردستان لە نێوان ساڵانی ١٩٧٦ بۆ ساڵی ١٩٩١ لەسەر گۆڕانکاری لە پێکهاتەی خێلی کوردی. هەروەها، ئەم توێژینەوە بۆ کۆکردنەوەی زانیارییەکان پشت بە چاوپێکەوتنی نیمچەرێکخراو بەستووە کە دەکەوێتە ناو میتۆدی چۆنایەتی. هەروا بۆ شێکردنەوەی ئەنجامەکان هەردوو تیۆری تێپەڕبوونی کۆمەڵگەی نەریتیی و تیۆری گۆڕانی کولتووری بەکارهێناوە. ئەنجامی سەرەکی توێژینەوەکە دەریخستووە کە راگواستن یەکێک لە هۆکارە سەرەکییەکان بووە بۆ گۆڕانکاری لە پێکهاتەی کۆمەڵایەتی خێڵ لە باشووری کوردستان.
