شیکارییەکی ڕەخنەگرانە بۆ ڕێکخستنی بنیاتنەر لە ناو مەنهەجی EFL
DOI ناسێنەری سەرچاوە دیجیتاڵییەکان:
https://doi.org/10.31918/twejer.2473.50کلیلە وشەکان:
ڕێکخستنی بنیاتنەر (CA)، دەرئەنجامەکانی فێربوونی مەبەستدار، شێوازەکانی فێرکردن/فێربوون، ئامرازەکانی هەڵسەنگاندن، مەنهەجی EFLپوختە
گونجاندنی بنیادنەر، یەکێکە لە ڕێگاکانی پەروەردەیی، کە بانگەشە بۆ ئەوە دەکات؛ دەبێت هەمیشە سازانێکی بنیادنەر لە نێوان پێکهاتە سەرەکییەکانی مەنهەجی خوێندن هەبێت بۆ ئەوەی بە باشترین شێوە ئامانجەکانی خوێندن بەدەستبهێندرێن. ئەو پێکهاتە سەرەکییانەش بریتین لە ڕێگاکانی وانەوتنەوە و فێربوون، ئامرازەکانی هەڵسەنگاندن، و ئامانجەکانی فێربوون. ئەم توێژینەوەیە هەوڵدەدات لە دۆخی 'گونجاندنی بنیادنەر' لە یەکێک لە مەنهەجەکانی خوێندنی زمانی ئینگلیزی وەکو زمانی بیانی سەر بە زانکۆ سۆران بکۆڵێتەوە. ئەم توێژینەوەیە ڕێگەی هەمەجۆری بۆ کۆکردنەوە و شیکردنەوەی داتاکانی بەکارهێناوە. ڕێگاکانیش بریتی بوون لە ڕاپرسی، چاوپێکەوتنی بە کۆمەڵ لەگەڵ قوتابییەکان، چاوپێکەوتن لەگەڵ مامۆستاکان و چاودێریکردنی مامۆستاکان. سەرەتا ڕاپرسییەکە بۆ (١٢٠) قوتابی نێردرا. دواتر لە نێوان ئەو ژمارەیە (١٤) قوتابی ئامادەییان دەربڕی بۆ ئەوەی بە شێوەیەکی خۆبەخشانە بەشداری لە دوو چاوپێکەوتنی بەکۆمەڵ بکەن. دواتریش حەوت مامۆستا دەستنیشانکران بۆ چاوپێکەوتن و چاودیریکردنیان. ئەنجامەکانی ئەم لێکۆڵینەوەیە دەریدەخەن کە هەندێک لە مامۆستاکان پابەندن بە بنەماکانی 'گونجاندنی بنیادنەر' و هەوڵدەدەن بە شێوەیەکی کاریگەر گونجان لە نێوان پێکهاتە سەرەکییەکانی مەنهەجی خوێندن دروستبکەن. لە لایەکی تریشەوە، ئەنجامەکان ئەوەش دەردەخەن کەوا زۆربەی مامۆستاکان سەرکەوتوو نەبوون لە جێبەجێکردنی بنەماکانی گونجاندنی بنیادنەر.
