جورێن کریارێن ئاڕاستەکرنێ د گوتارا ئایینیدا
DOI:
https://doi.org/10.31918/twejer.2583.22کلمات کلیدی:
کریارێن ئاخڤتنێ, کریارێن ئاڕاستەکرنێ, گوتارا ئایینى، , مەلا هەرمان بێسفکىچکیده
پوختە:
ئەڤ لێکۆلینە ب ناڤونیشانێ (جۆرێن کریارێن ئاڕاستەکرنێ د گوتارا ئایینیدا)، بابەت تایبەتە ب کریارێن ئاخڤتنێ د زمانێ کوردیدا، كريارێن ئاڕاستەکرنێ ل سەر گوتارەکا ئایینى یا ئەینییێ هاتیەپراکتیکرن. بۆ ئەنجامدانا لێکۆلینێ گوتارا ئەینییێ یا مەلا (هەرمان بێسفکى) هاتیەوەرگرتن، و ل دویڤ ڕێبازا وەسفی جۆرێن کریارێن ئاڕاستەکرنێ د گوتارێدا هاتینەدەستنیشانکرن، هەروەسا بۆ دیارکرنا ڕێژا ژ سەدێ یا هەر جۆرەکى ڕێبازا ئامارى هاتیەبکارهینان. ئارمانج ژ ئەڤێ لێکۆلینێ ئەوە دیارکرنا کارتیکرنا گوتارا ئایینى د ئاڕاستەکرنا گوهدارى و دیارکرنا وان جۆرێن پتر کارتیکرنێ وئاڕاستێ بەرامبەر دگوهۆرن و ب تایبەت هەلبژارتنا مە بۆ مەلایەکێ خوشتڤى ل دەڤ خەلکى بۆ مە وێ چەندێ دسەلمینیت کو گوتارا ئایینا وى کارتیکرنەکا ئەرینى د ئاڕاستەکرنا جەماوەریدا یا هەى. د ماوێ شرۆڤەکرنا گوتارا هەلبژارتیدا ئەم گەهشتینە هندەک ئەنجامان، ژ وان گوتاربێژی (١٥٨) کریارێن ئاخڤتنێ بکارهیناینە. ڕێژەیا هەرە بلند بۆ کریارێن ئاڕاستەکرنێ یێن " نەهیکرنێنە. ئەڤەژى ڕەنگڤەدانا کارتیکرنا ئایینێ ئیسلامێ د هەلبژارتنا شێوازێ زمانى، ئەوە کو (نەهییا مونکەرى دکەت) کو ب ڕێیا نەهیکرنێ ئاڕاستێ موسلمانان چاک دکەت.
پەیڤێن کلیل: کریارێن ئاخڤتنێ، کریارێن ئاڕاستەکرنێ، گوتارا ئایینى، مەلا هەرمان بێسفکى.
