گەیاندنی پەیام لە ڕێگەی کۆدە وێنەیی و بەڵگە ئەزمونییەکان لە تیۆری کۆدی دوانەدا، ''لە دیدی قوتابخانەی زمانەوانیی زانینییەوە''

پوختە

یەکێک لە قوتابخانە نوێباوەکانی زمانەوانی، کە لە ئێستادا بە فروانی کاریپێدەکرێت قوتابخانەی زمانەوانیی زانینییە '' cognitive linguistics ''، قوتابخانەیەکی پەیپێبراوە، بۆ زانین پشت بە هەستەکانی مرۆڤ دەبەستێت، لە کۆمەڵێک تیۆری یەکتر تەواوکەر پێکدێت، سەرجەمی تیۆرییەکانی لە چێوەی قوتابخانەکەدا کاردەکەن، بە شێوەیەک تەواوکەری یەکترن وەک ئەندامانی خێزانێک وان، کە بەهاوبەشی کاردەکەن و لە چەند تایبەتمەندییەکەدا هاوبەشن و لە هەندێک تایبەتمەندیشدا جیاوازن، بەڵام خاڵی هاوبەش هەیە، کە کۆیاندەکاتەوە لە چێوەەی قوتابخانەکەدا چەند تیۆرییەک هەیە، کە کار لەسەر زمان دەکەن یەکێک لەوانە تیۆری (Dual Coding Theory) تیۆری کۆدی دوانە، کورتکراوەکەی (DCT)، کێشەیەک لەم توێژینەوەیەدا، کە هەبووبێت، ئەویش ئەوەیە کارێکی لە پێشینە لەسەر ئەم تیۆرییە نەبووە تاکو ببێتە ڕێگەخۆشکەر و بەرچاوڕوونی بۆ تێوێژینەوەکانی تر، ئەگەرنا بە زمانەکانی تر کاری لەسەرکراوە، ئەمەش وایکرد بیر لە کارێکی لەم جۆرە بکرێتەوە، ئەوەی ئەم توێژینەوەیە لە کارەکانی تر جیادەکاتەوە کارکردنە بە تیۆرییەکی نوێباو و گونجاو بۆ گەیاندنی پەیام، بە تایبەت لە بواری پەروەردەدا و کارکردن بە شێوەیەکی پڕاکتیکی، ئامانجی توێژینەوەکە کارکردنە بۆ ئەنجامێکی ئەرێنی و باش تا بتوانرێت نەک تەنها لە بواری پەروەردە،