سیاسەتا ئیدارەیا دۆنالد تڕامپ هەمبەر کۆمارا ئیسلامیا ئیرانی
DOI ناسێنەری سەرچاوە دیجیتاڵییەکان:
https://doi.org/10.31918/twejer.2361.26کلیلە وشەکان:
ئەمریکا-ئیران-رێکەفتناما پلانا کارێ هەڤپشکێ گشتگیرپوختە
ئەڤ ڤەکولینە باس ل سیاسەتا ئیدارەیا دونالد ترامپی هەمبەر وەلاتێ ئیرانێ دکەت، ب تایبەتی خۆڤەکێشانا ترامپی ژ رێکەفتناما پلانا کارێ هەڤپشکێ گشتگیر یا ئەتومی (JCPOA) ئەوا کو ل ١٤ تیرمەها سالا ٢٠١٥ هاتیە ئیمزاکرن دناڤبەرا (كۆما هەر پێنج دەولەتێن هەردەم ئەندام د جڤاتا ئاسایشا نیڤدەولەتیدا، ئەلمانیا دگەل ئیرانێ). پشتی خۆڤەکێشانا ئیدارەیا ترامپی ژ رێکەفتنامێ دەست ب سەپاندنا سزایێن ئابووری یێن دژوار ل سەر تەهرانێ کر، ئەوا کو دهێتە نیاسین ب زۆرترین گۆشارێن گڤاشتنێن ئابووری، ب مەبەستا دورپێچکرنا هەژموون و کاریگەریا ئیرانێ ل سەر ئاستێ دەرڤە و نەچارکرنا وێ ژبو هندێ ب رێکەفتنامەکا نوی و ب مەرجێن نوی داخازیێن ئەمریکا جێبەجێبکەت. ئەڤ ڤەکولینە پێکولێ دکەت ب زانیت کا ترامپ د سیاسەتا دورپێچکرنێ دا یێ سەرکەفتی بوو یان نە، دیسان ئەگەرێن سەرەکی یێن ڤەکێشانا ترامپی ژ رێکەفتناما ئەتومی روون بکەت، دگەل ئامرازێن ب کارئیناین ژ بو سەرەدەریکرن دگەل ئیرانێ. ئەڤ ڤەکولینە پشتبەستنێ ل سەر تیورا ریالیزما نوی یا بەرگریکرنێ دکەت ژبو گەهشتنا بەرسڤا پرسیارێن ڤەکولینێ، ئەوا کو ترامپ د سیاسەتا خو یا دورپێچکرنێ دا بەرامبەری ئیرانێ نەشیای سەرکەفتی بیت ژبەرکو ئەو مەبەستا ترامپی دڤیا نەشیا بگەهیتێ کو ئەو ژی راکێشانا تەهرانێ ژبو دووبارە دانوستاندنێ ب ئیمزاکرنا رێکەفتنامەکا نوی.
