کۆڤید-19 وکاردانەوە هەڵچوونییەکانی مرۆڤ: پشکنینی تێوەگلانی ترس لە پەتاى کۆڕۆنا لە شڵەژانە دەروونییەکان
DOI ناسێنەری سەرچاوە دیجیتاڵییەکان:
https://doi.org/10.31918/twejer.2253.12کلیلە وشەکان:
ترس لە کۆڤید-19، شڵەژانی دڵەڕاوکێ، شڵەژانی خەمۆکى.پوختە
سەرباری ئەوەی کۆڕۆنا زیاتر لایەنە لاشەییەکانى مرۆڤ دەکات بە ئامانج، ناکرێت ڕەنگدانەوە دەروونییەکانی ئەم پەتایە فەرامۆشبکرێن. بەڵام تائێستا تێگەیشتنەکان سەبارەت بە ڕەنگدانەوە نەرێنییەکانی پەتای کۆڕۆنا لە هەڵکشانی بارە دەروونییە ناهەموارەکان ناڕوونە. بە ئەنجام ئەم توێژینەوەیە هەوڵیدا بۆ پشکنینی تێوەگلانی ترس لە کۆڤید-19 لە ئاستەکانی شڵەژنی دڵەڕاوکێ وشڵەژانی خەمۆکی بە پشتبەستن بە نموونەیەکی بەشداربوو لە هەرێمی کوردستان-عیراق (ن = 189(. ئەنجامەکان ئاماژەیانکرد بۆ پەیوەندیی ئەرینی بەڵگەداری ئاماری لە نێوان ترس لە کۆڤید-19 وشڵەژانی دڵەڕاوکێی گشتی و شڵەژانی خەمۆکیی سەرەکی، لەگەڵ تێبینیکردنی جیاوازی لە ئاستەکانی ئەو دوو شڵەژانە. ئەنجامەکان جەختیانکردەوە لە پەیوەندیی ئەرێنی بەڵگەداری ئاماری لە نێوان ترس لە کۆڤید-19 و ئاستی شڵەژانی دڵەڕاوکێی زۆرکەم و مامناوەند. هەروەک چۆن ئاماژەکرا بۆ پەیوەندیی ئەرێنی بەڵگەداری ئاماری لە نێوان ئاستی شڵەژانی خەمۆکیی سادە و ترس لە کۆڤید-19. لە کۆتاییدا توێژینەوە چەند ڕاسپاردە و پێشنیازێکى پێشکەشکرد.
