بەرپرسیاریەتیی تاوانی كەسی هۆكار لە خۆكوشتن لە یاساكانی هەرێمی كوردستاندا

Abstract

خۆكوشتن لەڕووی یاساییەوە هیچ دەقێكی یاسایی نیە بە تاوانی دانابێت، بەڵام ئەوەی جێگای مشتوومڕە بەرپرسیاریەتیی تاوانی ئەو كەسانەیە كە بوونەتە هۆكاری خۆكوشتنەكە، لێرەدا كێشە ئەوەیە كە هیچ پێوەرێك و بنەمایەك دیاری نەكراوە بۆ دەستنیشانكردنی كەسی هۆكار و یاسادانەر پێناسەی نەكردووە، بۆیە مەترسی هەیە لەوەی كەسێك بە هۆی ووتەیەكی ئاسایی یان رەفتارێكی ئاسایی ببێتە كەسی هۆكار، یاسادانەری كوردستانی ئەو كەسەی بە تاوانبار داناوە و سزایەكەی یەكسان كردووە بە سزای هاندان و هاوكاری لە خۆكوشتن، ئەمەش بە هەمواركردنی ماددەی (408) لە یاسای سزادانی عێراقی ئێستا و یاسای ڕوبەڕوبونەوەی توندوتیژیی خێزانی ژمارە 8 ی ساڵی 2011 لە هەرێمی كوردستاندا