The Plague in Kurdistan (1397 to 1514 AD)
DOI ناسێنەری سەرچاوە دیجیتاڵییەکان:
https://doi.org/10.31918/twejer.2574.33کلیلە وشەکان:
تاعون، پەتا، ناوچە کوردییەکانپوختە
بارودۆخی کۆمەڵگەکان بەگشتی لە سەدەکانی ناوەڕاست بەدەست تەنگژە تەندروستییەکان دژوار بوو، لە گرنگترین ئەم تەنگژانە پەتای تاعون بوو، کە بە هۆیەوە بەشێکی زۆری دانیشتوانی جیهان لەناوچوون، کوردستانیش بەگشتی لە سەدەکانی نۆیەمی کۆچی / پازدەمی زایینی چەندین جار پەتای تاعونی لێ بڵاوبووەتەوە، بە هۆیەوە ژمارەیەکی زۆری دانیشتوان دووچاری نەهامەتی و لەناوچوون بوونەتەوە، هەڵکەوتەی شوێنی جوگرافی کوردستان وەکو پردێکە لە نێوان ڕۆژهەڵات و ڕۆژئاوا کاریگەری سەرەکی هەبووە لە بڵاوبوونەوەی پەتای تاعون لە کوردستاندا، چونکە زۆربەی پەتاکان لە ناوچە دراوسێکانی باکور و ڕۆژهەڵات و ڕۆژئاوا بۆی گوازراونەتەوە. لەم توێژینەوەیەدا باس لە گشت ئەم تاعونانە دەکرێت، کەوا لە ناوچە کوردییەکان لەم سەردەمەدا بڵاوبوونەتەوە، بەپێی ساڵی ڕوودانی تاعونەکە و چۆنیەتی ڕوودان و گرنگترین ئەو شوێن و ناوچانەی کە پەتای تاعونیان تێدا بڵاو بووەتەوە، جگە لەمە پێناسەی جۆراوجۆرەکانی تاعون لەخۆدەگرێت لەگەڵ کورتەیەک لە مێژووی بڵاوبوونەوەی پەتای تاعون.
