ڕهنگڤهدانا مژارێن سياسى ل سودانێ د پهرلهمانێ مسرى دا 1924 – 1952: ڤهكۆلینهكا مێژوویى
DOI:
https://doi.org/10.31918/twejer.2473.11کلمات کلیدی:
پهرلهمانێ مسرى، سودان، بهریتانیا، ئهندامێن پهرلهمانى، حاكمدارێ گشتىچکیده
ل ساڵا 1924 وهلاتێ مسر ڕوودانهكا سیاسى یا گرنگ بخۆڤهدیت ئهوژى دامهزراندنا پهرلهمانێ مسرى ب ههردوو جڤاتێن (نوونهران و پیران) بوو، و ئهندامێن پهرلهمانى گرنگیهكا تایبهت ب مژارێن ژ دهرڤه ددان، و پێشهاتێن سیاسى ل سودان ل دهسپێكا ڤان مژاران دهاتن، ژ گرنگترین ڤان ڕوودانان ئهوژى بهرپابوونا بزاڤا ئوپوزوسیونێ ل ساڵا 1924 دژى حاكمدارێ گشتى یێ بهریتانى ل سودان (سیر لى ستاك (Sir Lee Stack و پاشان كوشتنا وى ل چرییا دووێ ساڵا 1924. ڤان پێشهاتان حكومهتا بهریتانى هاندا بزووترین دهم پلانێن خۆ جێبهجێ بكهت و سودان ژ مسرێ جودا بكهت.
ژ مژارێن گرنگ د پهرلهمانێ مسرى دا ئهوژى ڕوودانێن ساڵا 1924 ل سودانێ بوون، چونكه دڤێ سالێ دا ڕێكخراوا (اللواء الأبيض) ل سودان هاته دامهزراندن، و ئارمانجا ڤێ ڕێكخراوێ ئێكگرتنا مسر و سودان بوو، د ههمان دهمدا حكومهتا سودان ب پشتهڤانیا بهریتانیا ههولدان سودان ژ مسرێ جودا بكهن، ژ لایهكێ دیڤه بهاریكاریا حاكمدارێ گشتى یێ سودان ل 15 ئهیارا 1944 (جڤاتا ڕاوێژكاریا باكوورێ سودان) هاته پێكئینان، ئهڤ پێنگاڤا بهریتانى ژبو پارچهكرنا بزاڤا ڕزگاریخوازا نهتهوهییا سودانى و جوداكرنا باكوورێ سودان ژ باشوورێ وێ بوو.
