خوێندنی كوردیی لەچێوەی بەڵگەنامەی پڕۆگرامدا
DOI ناسێنەری سەرچاوە دیجیتاڵییەکان:
https://doi.org/10.31918/7hvbm306کلیلە وشەکان:
خوێندنی كوردیی، ڕێزمانی كوردیی، ڕێزمان، بەڵگەنامەی پڕۆگرام و پڕۆگرامی خوێندن.پوختە
خوارووی كوردستان لەدوای ڕاپەریینەكەی (1991) ەوە گۆڕانكاریی ئەرێنی فرە لایەنی بەسەردا هات: هەبونی ئازادیی، كەمبونەوە یان نەمانی ترس، پێشكەوتنی ئابووریی، پەرەسەندنی پەیوەندییە زۆر و بەردەوامەكانی نێوان شار و شارۆچكەكان لەگەڵ كردنەوەی زانكۆكان، زۆربوونی كۆلێژەكانی زمان و بەشی كوردیی زەمانێكی دییكە و نوێیان لە ژیانی كۆمەڵایەتیی و پێویستیی تاك و كۆمەڵەكان هێنایە ئاراوە، كە بە بیر و بیركردنەوە و لێكدانەوەكانی پێشتر تێر نەدەكران.
بۆ ئێمەی كورد، پێشخستنی پڕۆگرامی خوێندنی كوردیی بریتییە لە گرتنەبەری بەرنامە و ڕێبازی لێكۆڵینەوە لە بەدەستخستنی كۆزانیاریی زمانیی (ڕێزمان، فەرهەنگ و ئۆرسۆگرافیی) و برەودان بە توانستی منداڵانی كوردستان، لەڕوی ئاوەز (پەیپێبردنی خێراتر و وردتر) و لێكدانەوەی پەیوەندییە بەشداربوە جیا و بەیەكداچووەكان لە چشت و ڕوداوەكاندا، بەمەبەستی داهێنان، چارەسەركردنی كێشە و دۆزینەوەی ڕێگەچارە بۆ گرفتەكان و بەم پێیەیش بەشداریكردن لە پێشخستنی خودی زانستەكەدا.
