شیکردنەوەی جۆرەکانی واتا لە ڕاگەیاندندا، بەپێی دابەشکاریی لیچ

چکیده

لەم توێژینەوەیەدا جۆرەکانی واتا بەپێی دابەشکاریی لیچ لە دەقی هەواڵی ڕاگەیاندندا خراوەتە ژێر لێکۆڵینەوەوە، پەیوەندیی نێوان زمان و ڕاگەیاندن لە ئاستی واتاسازیدا، پەیوەندییەکی توندوتۆڵە، چونکە کاری یەکەمی ڕاگەیاندن بۆ گەیاندنی ئەو واتایەیە، کە ڕاگەیاندنەکە ئامانجیەتی، بە جۆرێک هەر وشە و ڕستە و فرێز و دەقێکی ڕاگەیاندن لەپێناو گەیاندنی واتای مەبەستە، ئەو واتا مەبەستانەی ناو هەواڵی ڕاگەیاندنەکان لە ڕێگەی جۆرەکانی واتاوە لێکدانەوە و شیکردنەوەیان بۆ کراوە، هەرچەندە دابەشکاری و جیاکردنەوەی جۆرەکانی واتا توێژینەوەی زۆری لەبارەوە کراوە، بەڵام لێکدانەوە و شیکردنەوەی جۆرەکانی واتا لە ڕاگەیاندندا بەپێی دابەشکاریی (لیچ) کارێکی نوێیە.