ڕەنگدانەوەی دووڕەگیبوون وەك بنەمایەكی پۆست كۆڵۆنیالیزم لە ڕۆمانی "هوتێل ئەوروپا"ی فەرهاد پیرباڵدا
DOI ناسێنەری سەرچاوە دیجیتاڵییەکان:
https://doi.org/10.31918/twejer.2361.09کلیلە وشەکان:
پۆست كۆڵۆنیالیزم، دووڕەگیبوون، ناسنامە، کولتوور، زمان، هوتێل ئەوروپاپوختە
تیۆری پۆست كۆڵۆنیالیزم یەكێكە لە تیۆرە نوێیەكانی ڕەخنەی ئەدەبی، دووڕەگیبوونیش وەكو بنەمایەكی ئەم تیۆرە، بە یەكێك لە دیارترین و كاریگەرترین چەمكەكانی بواری پۆست كۆڵۆنیالیزم دادەنرێت. دووڕەگیبوون لە ئەنجامی بەریەككەوتنی كولتووری داگیركەر و داگیركراو یان كولتووری باڵادەست و ژێردەست دروستدەبێت، لەم بەریەككەوتنەشدا فەزایەكی نێوانی دروستدەبێت، كە تێیدا جۆرێك لە ئاوێتەیی كولتووری ڕوودەدات و بە هۆیەوە فۆڕمێكی نوێی كولتووری دێتەئاراوە، كە بە تەواوی ناچێتە سەر هیچ یەك لە دوو کولتوورەكان، لێرەشەوە کولتوورێكی دووڕەگە بەرهەمدێت و لە ئەنجامیشدا دەبێتە هۆی دروستبوونی تاكی دووڕەگە. ڕۆمانی هوتێل ئەوروپای فەرهاد پیرباڵیش گوزارشت لە ژیانی پەناهەندە ڕۆژهەڵاتییەكان لە ڕۆژئاوا دەكات، کە بەم هۆیەشەوە بەریەككەوتنێكی كولتووری لە نێوان كولتووری ڕۆژهەڵات و ڕۆژئاوا دروستبووە، كە بووەتە هۆی ئەوەی کولتوورێكی دووڕەگە دروستببێت و پەناهەندە ڕۆژهەڵاتییەكانیش دووچاری دووڕەگیبوونی ناسنامە و کولتوور و زمان ببنەوە. لەم توێژینەوەیەدا پێڕەوی لە ڕێبازی (وەسفی-شیكاری) كراوە و بۆ ئەم مەبەستەش توێژینەوەكە دابەشی سەر دوو بەش كراوە. لە بەشی یەكەمدا باس لە چەمك و پێناسەی پۆست كۆڵۆنیالیزم و دووڕەگیبوون كراوە. لە بەشی دووەمیشدا، دووڕەگیبوون وەك بنەمایەكی پۆست كۆڵۆنیالیزم لە ڕۆمانەكەدا نیشاندراوە.
