پەیوەندیێن میرگەهێن تورکمانى یێن ئەنادۆڵێ دگەل دەولەتا سەلجوقیێن ڕۆمێ (٦٥٤-٧٠٧ک/١٢٥٦-١٣٠٨ز) ڤەکۆلینەکا مێژوویی-سیاسییە
DOI ناسێنەری سەرچاوە دیجیتاڵییەکان:
https://doi.org/10.31918/twejer.2362.05پوختە
دەولەتا سەلجوقیێن ڕۆمێ لسەردەمێ سولتان علاء الدین کیقوبادێ ئێکێ(٦١٦-٦٣٤ک/١٢١٩-١٢٣٧ز) دگوپیتکا هێزا خۆدابوو، بەلێ بمرنا سولتان کەیقوبادی و هاتنا غياث الدین کەیخسرویێ دووێ(٦٣٤-٦٤٣ک/١٢٣٧-١٢٤٥ز) بۆ سەر کورسیکا دەستهەڵاتێ، دەولەت بەرەڤ لاوازبوونێ چوو، ئەڤێ چەندێ دەرگەهـ ل هەمبەر مەغولان ڤەکر بەرەڤ ئەنادۆڵێ دەست ب لڤینان بکەن و سالا (٦٤١ک/١٢٤٣ز) د شەڕێ کوسەداغ دا شیان شکەستنێ ب لەشکەرێ سەلجوقی بینن.
پشتی شکەستنا شەرێ کوسەداغ سەلجوقی نەچارمان پێکهاتنێ دگەل مەغولان ئەنجامبدەن، پشتی ئەڤێ چەندێ دەستهەڵاتا سەرەکییا ئەنادۆڵێ کەڤتە دەستێ میرێن مەغولی، ب ئەڤێ شێوەیی ڕەوشا دەولەتێ پتر هاتە تێکدان، و ئێدی بەگێن تورکمانی (ئوج بەگ) ڕازینەبوون دبن دەستهەڵاتا سەلجوقییاندا بمینن، لەوڕا ڕابوون بدامەزراندنا چەندین میرگەهان، هەرچەندە ئەڤ میرگەهە بسەروەرییا سەلجوقییان ڕازیببوون، بەلێ گەلەک جاران کێشە و هەڤرکی دناڤبەرا ئەواندا پەیدادبوون، کۆ د ڤەکولینێدا ب ڕونی ئەڤ بابەتە هاتییە باسکرن.
