ڕوانگەی فۆڕمە سەرەتاییەکانی (کارڵ گۆستاڤ یۆنگ) لە ئەفسانەی (نارینا گولبارین)دا
DOI ناسێنەری سەرچاوە دیجیتاڵییەکان:
https://doi.org/10.31918/twejer.2473.05کلیلە وشەکان:
یۆنگ، ئەفسانە، ڕەخنەی ئەفسانە، ئەفسانەناسی، فۆڕمە سەرەتاییەکان، نەستی گشتیپوختە
ئەفسانە سەرچاوەی ڕەهەندى بوونایەتیى مروڤە، چونکە ئەفسانە پەیوەندی بە تەواوی کایەکانی ژیانی مرۆڤەوە هەیە. بە تایبەتی ئەفسانە لەنێو ئەدەبیاتدا ڕۆڵێکی گرنگ و بایەخداری هەیە. لەناو توێژینەوەى ئەدەبیدا ڕەخنەی ئەفسانە یەکێکە لە ڕەهەندە نوێیەکانى ڕەخنەی ئەدەبی. کاڕڵ گۆستاڤ یۆنگ بە دامەزرێنەری ڕەخنەی ئەفسانەیی دادەنرێت، چونکە ڕەخنەی ئەفسانە لەسەر بنەمای تێگەیشتنە چەمکە دەروونییەکانى ئەو بونیادنراوە، بە تایبەتی فۆڕمە سەرەتاییەکان پێکهاتە و ڕیشە و جەوهەری ڕەخنەیی ئەفسانەیین. ئەم توێژینەوەیە بە ناونیشانی "ڕوانگەی فۆڕمە سەرەتاییەکانی (کارڵ گۆستاڤ یۆنگ) لە ئەفسانەی (نارینا گولبارین)دا " بریتییە لە پراکتیزەکردنی تیورێکی نوێى ڕەخنەی ئەدەبی لەسەر نموونەیەکى ئەفسانەى کوردى، لەژێر ڕۆشنایی چەمکە بنەڕەتییەکانى یۆنگ بۆ تێگەیشتنى ئەفسانە بەپێى بنەماکانى ئەفسانە کراوتە ئامانج. بەپێى ئەنجامى بنەما سەرەکییەکانى فۆڕمە سەرەتاییەکان یان ڕەخنەى ئەفسانەیی لەنێو دەقە کوردییەکانیشدا بە تایبەتى لە ئەفسانەدا بەرجەستەبووە، چونکە ئەم فۆڕمانە پێکهاتەی ڕیشەی بونیادی نەستی گشتین، نەستی گشتی میراتێکی هاوبەشی مرۆڤایەتییە.
